ᐊᓴᐸᓇᑲᐃᐧᓂᓂ ᑯᕑᐃᐢ ᐊᐣᑕᓴᐣ ᐅᐃᐧᑯᒋᑐᐣ 15 ᑎᐸᐦᐊᑲᐣ ᐁᐃᐧᐃᓇᑕᑫᐧᐨ ᐃᒪ ᐅᑕᔑᑫᐃᐧᓂᐠ ᒋᐅᐣᒋᒪᒋᔭᑕᑫᐧᐨ ᐁᐧᑎ ᐊᐱᐣ ᑫᑌ ᑕᔑᑫᐃᐧᓂᐠ.
␣ᐊᔕ ᓂᔓᔭᑭ ᐣᑐᒋᐱᒥ ᓇᓇᑲᑕᐁᐧᐣᑕᐣ ᐅᐁᐧ ᐁᐃᐧᑐᑕᒪᐣ,␣ ᐃᑭᑐ ᐊᐣᑕᓴᐣ, ᐁᑲᐧ 1992 ᑲᔭᑭᐊᐧᓂᐠ ᐊᑯᓇᐠ ᐅᐣᒋ ᓇᐸᓀ ᑭᐡᑭᓂᑫ. ␣ᐣᑭᐊᔕᐧᑕᑫᐧᓇᐸᐣ ᐊᔓᑲᑦ ᐅᑕᓇᐠ ᓂᐱᓄᐠ ᐅᒪ ᐊᓴᐸᓇᑲᐠ ᐁᐧᑎ ᐊᑲᒥᐣᐠ ᐁᐃᐧᐅᐣᒋᑲᑫᐧ ᔓᓂᔭᑫᑐᔭᐣ ᒋᔕᐯᐧᐃᐧᓯᒋᑲᑌᐠ ᐊᔭᒥᒋᑫᐃᐧ ᓂᑲᒧᓂᑫᐃᐧᐣ.␣
ᐁᑲᐧ ᑲᐃᐧᐊᔕᐧᑕᑫᐧᐨ ᐅᐃᐧᑲᑫᐧᔓᓂᔭᑫᑐᐣ ᑲᐃᐧ ᐅᔑᑐᐊᐧᐨ ᐅᐡᑭ ᐊᔭᒥᐦᐁᐃᐧᑲᒥᓂ, ᒋᐊᑕᐁᐧᐊᐧᐨ ᐱᐣᑌᐁᐧᓯᒋᑲᓇᐣ ᐁᑲᐧ ᒥᓇ ᓇᑐᑕᒧᐃᐧᓂᐠ ᒋᐅᐣᒋ ᓄᑕᑲᐧᒧᒋᑲᑌᑭᐣ ᑲᐊᔭᒥᐦᐁᐃᐧ ᓂᑲᒧᓇᓄᐊᐧᐠ.
␣ᒥᐦᐃᒪ ᑲᔦ ᐁᐃᐧᐃᔑ ᑲᑫᐧᒋᐦᐃᑎᓱᔭᐣ ᓂᐊᐧᑲᐃᐧᐃᐧᓂᐠ, ␣ ᐊᐣᑕᓴᐣ ᐃᑭᑐ. ␣ᑲᐃᐧᓂᐣ ᐣᑌᐯᐧᑕᓯᐣ ᐁᑲ ᒥᓯᐁᐧ ᑫᑯᐣ ᐊᐃᐧᔭ ᒋᑭᐃᔑᑲᐡᑭᑐᐸᐣ ᑲᐃᐧᑐᑕᐠ. ᑭᐡᐱᐣ ᑫᑯᐣ ᐃᐧᑯᒋᑐᔭᐣ, ᑌᐯᐧ ᑲᑲᐡᑭᑐᐣ.␣
ᐊᐣᑕᓴᐣ ᑭᐃᔑᐅᓇᒋᑫ ᒋᑭᑭᐡᑲᐣᑭᐣ ᒥᓯᑎᐠ ᑲᑭᑭᐡᑭᑲᑌᑭᐣ ᒥᓇ ᒋᐊᔭᑲᐃᐧ ᐊᓀᐧᔑᒧᓄᐨ, ᐅᑎᓀᐣᑕᐣ ᓂᔓᔕᐳᐊᐧᑲᓭ ᒥᓂᑯᐠ ᒋᐱᒪᑕᑫᐧᐨ. ᐃᒪ ᑕᐡ ᑲᔭᓂᔑᒋᐊᐧᓂᐠ ᓴᑲᐦᐃᑲᓂᐠ ᑕᔭᓂᓇᑕᑫᐧ, ᐃᒪ ᐃᓀᑫ ᐊᔑᐁᐧᐠ ᓯᐱ ᑲᐃᔑᓂᑲᑌᐠ, ᐊᐧᐸᓄᐠ ᓇᐣᑕ ᒪᒥᐣᐠ ᑲᐃᓇᐦᐅᓇᑌᐠ.
␣ᑲᐃᐧᓂᐣ ᐯᔑᑲᐧ ᐣᑲᐃᔑ ᑲᑫᐧ ᑕᑲᐧᑕᑫᐧᓯᐣ,␣ ᐊᐣᑕᓴᐣ ᐃᑭᑐ. ␣ᑲᓇᑫ ᐱᑯ ᓇᐣᑕ ᓂᐊᐧ ᐣᑲᐊᔭᑲᐃᐧ ᑭᐱᒋ.␣
ᐊᐣᑕᓴᐣ ᑭᐱᑲᑫᐧᒋ ᐁᐸᐸᒧᓭᐨ ᐁᔭᓂᑲᐧᔭᐣᒋᐨ ᑲᐃᐧᐊᔕᐧᑕᑫᐧᐨ, ᐯᔑᑲᐧᐣ ᐃᑯ ᑲᑭᑐᑕᐣᑭᐸᐣ ᐅᑕᓇᐠ ᓂᐱᓄᐠ ᑲᑭᐊᔕᐧᑕᑫᐧᐸᐣ ᐃᒪ ᑕᔑᑫᐃᐧᓂᐠ ᑲᑭᐅᐣᒋᒪᒋᔭᑕᑫᐧᐸᐣ ᐁᐧᑎ ᐊᐱᐣ ᐊᑲᒥᐣᐠ.
␣ᐊᐱ ᐱᑭᐁᐧᔭᐣ, ᐁᐧᑎ ᒥᓇᐊᐧ ᐣᑲᐅᐣᒋᒪᒋᑕ ᑫᐧᑭᑌ ᒥᓂᑎᑯᐣᐠ,␣ ᐊᐣᑕᓴᐣ ᑭᐃᑭᑐ ᒣᑲᐧᐨ ᑲᑭᐊᔭᒥᐦᐊᑲᓄᐨ ᐅᐸᐡᑯᐃᐧᐱᓯᑦ 4 ᑲᐃᓇᑭᓱᓂᐨ ᐁᐧᑎ ᑕᐣᑐᕑ ᐯ. ␣ᑲᐃᐧᐣ ᑲᓇᑫ ᐯᔑᑯᐱᓯᑦ ᒋᐃᓯᓭᐠ ᒋᑲᐧᔭᐣᒋᔭᐣ.␣
ᐃᐁᐧᓂ ᒪᐊᐧᐨ ᐅᑎᔑᓂᓂᑌᐣᑕᐣ ᒋᐊᐧᓇᐦᐃᑯᐨ ᑭᐡᐱᐣ ᐊᐱᐣ ᐅᐣᒋᑭᒋᓄᑎᓂᐠ ᒣᑲᐧᐨ ᐊᔕᐧᑕᑫᐧᐨ.
␣ᑭᐡᐱᐣ ᐊᐧᐸᓂᓄᑎᐣᐠ, ᒥᑐᓂ ᐱᑯ
ᐣᑲᔭᓂᒥᐃᐧᑐ,␣ ᐊᐣᑕᓴᐣ ᐃᑭᑐ. ␣ᓀᐣᑲᐱᐦᐊᓄᐣᐠ ᓇᐣᑕ ᔕᐊᐧᓄᐣᐠ ᒋᐅᐣᒋᓄᐁᐧᐠ ᐣᑎᔑᐸᑯᓭᐣᑕᐣ.␣
ᐊᐣᑕᓴᐣ ᐅᑲᐊᔭᐊᐧᐣ ᓂᔑᐣ ᐊᐃᐧᔭᐣ ᒋᐅᐣᒋᐱᒥ ᓇᓇᑲᒋᐦᐃᑯᐨ ᒋᒪᓂᐠ ᒣᑲᐧᐨ ᐱᒪᑕᑫᐧᐨ.
␣ᒪᐡᑯᐨ ᑯᑕᐠ ᐊᐃᐧᔭ ᐣᑲᐅᐣᒋ ᐃᐧᑕᑕᑫᐧᒥᐠ,␣ ᐊᐣᑕᓴᐣ ᐃᑭᑐ. ␣ᑲᐃᐧᓂᐣ ᐃᑯ ᒪᔑ ᐊᐃᐧᔭ ᓇᐣᑕ ᒋᐱᐃᑭᑐᐨ. ᑭᐡᐱᐣ ᐊᐃᐧᔭ ᐃᐧᐃᐧᒋᐃᐧᔑᐨ ᒪᐊᐧᐨ ᐣᑲᑭᒋᒥᓀᐧᐣᑕᐣ␣
ᐊᐣᑕᓴᐣ ᐅᐃᐧᑐᑕᐣ ᒋᐃᓇᐸᒋᑐᐨ ᐱᐣᑌᐃᐧᓯᒋᑲᓂ ᐊᐸᒋᒋᑲᓇᐣ ᒋᔕᐯᐧᐁᐧᓯᑐᐨ ᐅᐡᑲᑎᓯᐃᐧ ᒪᐊᐧᒋᐦᐃᑐᐃᐧᓇᐣ, ᐊᔭᒥᒋᑫᐃᐧ ᒪᐊᐧᒋᐦᐃᑐᐃᐧᓇᐣ ᒥᓇ ᑭᑭᓄᐦᐊᒪᑫᐃᐧ ᒪᐊᐧᒋᐦᐃᑐᐃᐧᓇᐣ.
␣ᑲᑲᑫᐧ ᐳᓂᒥᓂᑫᐊᐧᐨ ᑲᐃᐧᒋᐦᐃᐣᑕᐧ ᑲᔦ ᐣᑎᓇᓄᑭ ᒥᑕᐡ ᐃᒪ ᑲᔦ ᐊᐧᐃᔑ ᔕᐯᐧᐁᐧᓯᑐᔭᐣ ᐊᑎᐟ ᑭᑭᓄᐦᐊᒪᑫᐃᐧᓇᐣ ᑲᔭᓂᒧᒋᑲᑌᐠ ᒥᓂᑫᐧᐊᐧᐱᓀᐃᐧᐣ ᒥᓇ ᒪᐡᑭᑭᑫᐃᐧᐣ ᐊᓂᐣ ᑫᐃᔑᐃᐧᒋᐦᐃᑎᓱᐸᐣ ᑲᐃᐧᑲᑫᐧ ᐳᓂᑐᐨ ᐁᑲᐧ ᒥᓇ ᑯᑕᑭᔭᐣ ᐃᓯᓭᐃᐧᓇᐣ ᑐᑲᐣ ᒪᒥᑐᓀᐣᒋᑲᓇᐱᓀᐃᐧᐣ ᒥᓇ ᑲᑭᐱ ᐱᔑᑲᐧᒋᑐᑕᐃᐧᐣᑕᐧ
ᑫᐃᔑᐃᐧᒋᐦᐃᐣᑕᐧ,␣ ᑭᐃᑭᑐ. ᐊᐣᑕᓴᐣ ᐃᔑᐸᑯᓭᓂᒧ ᐅᐁᐧᓂ
ᑲᐃᐧᐃᔑᒋᑫᐨ ᑲᐃᐧᐊᔕᐧᑕᑫᐧᐨ ᒋᐅᐣᒋ ᐃᐧᐣᒋᑫᒪᑲᓂᐠ ᑌᐯᐧ ᐱᑯ ᐁᐃᔑᓇᑲᐧᐠ ᒋᑭᑲᐡᑭᒋᑲᑌᑭᐸᐣ ᒋᔕᐳᐡᑭᑲᑌᐠ ᑫᑯᐣ ᑲᑭᐱᐡᑲᑫᒪᑲᐠ ᐱᒪᑎᓯᐃᐧᓂᐠ.
␣ᐊᑎᑲ ᑫᓂᐣ ᓂᐦᓴᐧ ᐣᓂᐱᐣᑎᑫ ᑲᐃᔑᐸᓴᐧᑲᓂᐃᐧᐊᐧᐨ ᑲᑲᐧᒋᒥᓂᑫᐊᐧᐨ,␣ ᐊᐣᑕᓴᐣ ᐃᑭᑐ, ᐁᑭᑎᐸᒋᒥᑎᓱᐨ ᑫᐃᐧᐣ ᐁᑭᑲᑫᐧ ᔕᐳᐡᑲᐣᑭᐣ ᑲᑭᑎᐯᓂᒥᑯᐨ ᒥᓂᑫᐧᐃᐧᓂ ᒥᓇ ᒪᐡᑭᑭᑫᐃᐧᓂ. ␣ᑲᐃᐧᐣ ᐃᑯ ᐯᑕ ᐯᔑᑲᐧ ᒋᐃᔑᑲᐡᑭᒋᑲᑌᐠ ᐯᔑᑲᐧ ᑫᑯᐣ ᑲᑲᑫᐧᑐᒋᑲᑌᐠ. ᑭᐃᓯᓭ ᐱᑯ ᒋᐱᒥᔭᓄᑲᑕᒪᐣ.␣
ᐊᐣᑕᓴᐣ ᐃᑭᑐ ᐅᑕᓇᐠ ᓂᐱᓄᐠ ᑲᑭᐊᐧᔕᑕᑫᐧᐨ ᒪᐊᐧᐨ ᐃᑯ ᑭᒥᓀᐧᐣᑕᑲᐧᓂ, ᔕᑯᐨ ᑭᓄᐣᑌ ᐅᒋᐱᓂᑯ ᒣᑲᐧᐨ ᑲᐱᑭᐁᐧ ᐊᔕᐧᑕᑫᐧᐨ.
␣ᐣᑭᑭᑫᐣᑕᐣ ᒋᑭᑲᐡᑭᑐᔭᐸᐣ ᒋᑕᑲᐧᑕᑫᐧᔭᐣ ᒧᒋᐯᔑᑯᓂᑫᔭᐣ ᒥᓇ ᒧᒋᐯᔑᑯᑲᑌᔭᐣ,␣ ᐊᐣᑕᓴᐣ ᐃᑭᑐ.
ᐃᐧᑭᑫᐣᑕᒣᐠ ᑲᐃᐧᐊᔕᐧᑕᑫᐧᐨ ᐊᐣᑕᓴᐣ ᐃᒪ ᒋᐃᓇᐱᔦᐠ ᒪᒪᐣᑕᐊᐧᐱᑯᐠ ᑲᐃᔑᒪᓯᓇᐦᐃᑫᐨ ᐅᒪ, christander- son.myknet.org.
When I was a boy growing up in my home community of Attawapiskat on the James Bay coast, I was deathly afraid of looking at the full moon.
When I was a boy growing up in my home community of Attawapiskat on the James Bay coast, I was deathly afraid of looking at the full moon.
I grew up...
I’m happy to see the ongoing support and assistance in our northern remote communities to help our people cope with so many lifelong and generational issues...