Animikiiwimaawachi-itiwin kaakimaawachi-itiwach niiyokon kakinakekoon kiiminose Oct. 13-16 mi-oma Thunder Bay.
“Kiiminose kakimaawachi-itink mi-owe niitam ekiimachichikate,” ikito David Wilkinson-Simard, kaki-anookitank mi-owe Animikiiwimaawachi-itiwin.
Anishinaabewimaasichikewinan shikwa kaa-anookitamowach i-i maawachi-itiwin, weti ekionchimaachikikatek otanank akink. Nitam ki-ishinikate takwaakin wikwaantiwin shikwa kaamaawachichikatekin anookiwinan shikwa kaatashikewach anishinaabek o-oma otenaak kaawiin okina-i-shkakosiwan, ikito Wilkinson-Simard.
“Peshikokoon eta paakinikate Anishinaabewikiishikan shikwa wikwantiwin etaakwakink kaawiin kitepisesinoon pepakaan kekoonan chiwabanchichikatekin i-ya-i kitochikewin,” ikito. “Kakinaankinikatekin taana-ise (chiwanpachikatekin tipachimowinan).”
Kaamachisek o-o maawachi-itiwin maasinichikewinan shikwa “anookiwinan ekitipaatotekin miinik kawichi-awach anishinaaben o-oma otenaank,” Wilkinson-Simard ki-ito. Kiwikwantim shikwa ekinimi-itink e-ani-onakoshiink.
Kaniishokonakak kitipatotewan tipachimowanookiwinan shikwa kitochikewinan, kikinwa-amatim chi-oshipi-ikatekin notakochikewinan, otenawimaasinipi-ikewinan, masinakisikewinan, maasinatesichikewinan, niimiwinan, shikwa kikishkikanan kawapanchikatekin, miiwaako-ko kakikinwa-amakewach Shy-Anne Horvoka, Jade Willoughby, Shibastik, Candace Twance shikwa Tony McGuire. Kakiwapanta-iwewach kikishkikanan shikwa onikaamook ki-onchiwaak Pikangikum shikwa Moose Cree.
Niishokoon kinimi-itim ekakwepakinatiwach, kaawiin weka ki-ishichikenaniwan o-oma Thunder Bay, Wilkinson-Simard ki-ikito.
“Mi-iwe ka-ishi-antawentamowach anishinaabek,” ki-ikito, “weti otanaank, kaawiin awiyaa nikiwiwichi-ikosinan chimawachi-itiyaank, nookom ka-akiwank nikitakopi-aamin.”
Kaki-anookitamowach misiwe kipi-onchiwaak memintake Red Lake, Minnesota ekikentamowach aaniin eshi-anookatenik niimi-iwewinan
“Niki-otinamin kiketamawin chiwichitoyaank kitashikewininan,” Wilkinson-Simard ikito, “kaakina kekoon kiminose.”
Onikamook shikwa onimiik misiwe kipi-onchiwaak Saskatchewan, Minnesota shikwa shawaanook nake Ontario kipiwichitowaak chinimiwach.
There is a great deal of worry, fear and anxiety to Maachestan, the Cree word for “spring break up” on the James Bay coast. There are so many variables and...
It is that time of the year when the Niska – the Canada Goose, are flying north and the traditional hunt of we Cree happens out on the land. This is...