ᑭᒋᓇᒣᑯᓯᐱᑊ ᐅᑭᒪᑲᐣ ᑕᐧᓂ ᒪᐧᕑᐃᐢ ᓂᑲᐣ ᐃᓇᐦᐱ ᑲᐧᔭᐠ ᒋᑌᐱᓭᓂᐨ ᐱᑲᐧᒋ ᒥᒋᒥᓂ ᐅᑕᓂᔑᓂᓂᒪᐣ.
ᐊᐊᐧᔑᒣ ᐁᐦᐊᓂ ᒥᔑᓂᓂᐨ ᐅᑕᓂᔑᓂᒪᐣ, ᒪᐧᕑᐃᐢ ᐅᒪᒥᑎᓀᐣᑕᐣ ᐊᓂᐣ ᑫᐃᓯᓭᐊᐧᐨ ᐁᐧᑎ ᓂᑲᐣ ᑫᐊᓂ ᐱᒪᑎᓯᓂᐨ ᐅᑕᓂᔑᓂᓂᒪᐣ ᐃᒪ ᑲᐅᐣᑕᒋᐦᐅᓂᐨ ᐊᐦᑭᑲᐠ.
ᒪᐧᕑᐃᐢ ᑭᑲᑫᐧᒋᒥᑎᓱ: ᐊᒥᓇᐱᑯ ᑫᐃᔑ ᒧᐦᒋ ᐊᐱᔭᐠ ᐅᐁᐧ ᑲᐊᓂ ᐊᐦᐱᒋ ᒥᔑᓄᐊᐧᐨ ᑭᑕᓂᔑᓂᓂᒥᓇᐣ. ᑭᑕ̇ᑲᐢᑭᑐᒥᐣ ᓇ ᒋᐱᒪᒋᐦᐅᔭᐠ?
ᒣᑲᐧᐨ ᐯᑲ ᐁᐱᒪᑲᐧᔓᐁᐧᐨ ᓇᓀᐤ ᓴᐣᑎ ᐸᐣᐠᐢ ᓴᑲᐦᐃᑲᓂᐠ ᐯᔑᑲᐧ ᐁᑭᔑᑲᓂᐠ, ᐅᑭ ᐊᐧᐸᒪᐣ ᑭᓄᔐᓴᐣ ᓂᐱᑲᐠ.
ᐊᒥᐦᐃ ᑲᑭ ᐃᓀᐣᑕᐠ, ᐊᓂᐣ ᑫᑭᐃᓯᓭᑭᐸᐣ (ᐅᐁᐧ ᓴᑲᐦᐃᑲᐣ) ᒋᑭ ᐱᒪᒋᐦᐅᐊᐧᐨ ᑯᑕᑭᔭᐠ ᐊᐃᐧᔭᔑᔕᐠ? ᐊᒥᐦᐃ ᑲᔦ ᑲᑭ ᑲᓄᑫᐨ ᑲᓂᐦᑕ ᐊᒪᐧᐊᐧᓴ ᐊᑎᑲᒣᑲᐧᐠ ᐅᑫᐧᓂᐊᐧᐣ ᑭᓄᔐᓴᐣ. ᒥᐦᐃᒪ ᐊᐦᐱᐣ ᑲᑭ ᐃᓀᐣᑕᒧᓭᐨ ᑫᑯᓂ.
ᒥᔕ ᐁᐃᔑᓇᑲᐧᐠ ᒋᑭ ᐊᓂ ᑲᐧᔭᐣᒋᑕᒧᐊᐧᔭᑭᐸᐣ ᓂᑲᐣ ᑫᐊᓂᒥᒋᑲᑌᑭᐣ, ᑭᐃᑭᑐ.
ᒪᐧᕑᐃᐢ ᐁᐧᑎ ᓂᑲᐣ ᑭᐃᔑ ᒪᒥᑎᓀᐣᒋᑫ ᐊᓂᐣ ᑫᑭᑐᒋᑲᑌᑭᐸᐣ ᒋᑭ ᐊᐣᒋ ᐸᑭᑎᓂᑕᐧᐸᐣ ᐊᑎᑲᒣᑲᐧᐠ ᐃᒪ ᓇᒣᑯᓯᐱᐠ ᐁᐧᑎ ᑕᐢ ᒋᐃᔑ ᐊᐣᑕᓯᐣᑕᐧ ᓴᐣᑎ ᐸᐣᐠᐢ ᓴᑲᐦᐃᑲᓂᐠ, ᒥᑲᓇ ᑲᔦ ᑲᐅᐣᒋ ᐃᔕᓂᐊᐧᐠ ᐃᒪ.
ᑭᐢᐱᐣ ᑕᐢ ᓴᑲᐦᐃᑲᐣ (ᓴᐣᑎ ᐸᐣᐠᐢ) ᒥᓄᓭᐠ, ᑯᑕᐠ ᓴᑲᐦᐃᑲᐣ ᓂᑲᓇᐣᑕᐊᐧᐸᑕᒥᐣ ᐊᐣᑎ ᑫᑭ ᐅᐣᑎᓇᔭᐠ ᐊᑎᑲᒣᑲᐧᐠ, ᒪᐧᕑᐃᐢ ᐃᑭᑐ.
ᒪᐧᕑᐃᐢ ᑕᐢ ᐅᑎᓀᐣᑕᐣ ᐃᐁᐧᓂ ᓴᑲᐦᐃᑲᓂᓂ, ᓇᐣᑕ 100 ᐊᑯᓇᐠ 200 ᑭᓄᔐᐠ ᑕᐊᐣᒋᐸᑭᑎᓇᑲᓄᐊᐧᐠ, ᐯᔑᑲᐧᐣ ᑫᑲᐟ ᐃᔑᓇᑲᐧᐣ ᑲᐅᐣᑕᒋᐦᐅᐊᐧᐨ ᐊᑎᑲᒣᑲᐧᐠ.
ᒪᐧᕑᐃᐢ ᑲᔦ ᐅᑭ ᓇᓇᑲᒋᑐᐣ ᓴᑲᐦᐃᑲᓂᓂ ᐃᒪ ᓴᐣᑎ ᐸᐣᐠᐢ ᓇᒣᐱᓇᐠ ᐃᒪ ᐁᐦᐊᔭᓂᐨ ᑲᔦ.
ᓇᒣᐱᓇᐠ ᑫᐃᐧᓇᐊᐧ ᐯᔑᑲᐧᐣ ᐅᒥᒋᓇᐊᐧ ᐊᑎᑲᒣᑲᐧᐣ ᑲᒥᒋᓂᐨ, ᐊᒥᐦᐃ ᑲᑭ ᐅᐣᒋ̇ᓀᐣᑕᒪᐣ ᒋᐱᒪᒋᐦᐅᐊᐧᐨ ᐊᐦᑎᑲᒣᑲᐧᐠ ᑲᐃᐧ ᐊᐣᒋᐸᑭᑎᓂᐣᑕᐧ.
ᐊᒥᐦᐃᐁᐧ ᑲᐃᔑ ᐅᓇᒋᑫᔭᐣᐠ ᑭᓄᔐᐠ ᒋᐸᑭᑎᓂᐣᑕᐧ ᐅᒪ ᓴᑲᐦᐃᑲᓂᐠ. ᓂᑌᐯᐧᑕᒥᐣ ᐊᑎᑲᒣᑲᐧᐠ ᑲᔦ ᐃᒪ ᒋᑭ ᐅᐣᑕᒋᐦᐅᐊᐧᐸᐣ.
ᐊᒥ ᑲᐃᔑ ᐅᓀᐣᑕᑲᐧᐠ ᒋᐊᐣᒋᐸᑭᑎᓇᑲᓄᐊᐧᐨ ᑭᓄᔐᐠ ᐃᒪ ᓇᐣᑕ ᐅᐸᐢᑲᐃᐧᐱᓯᑦ ᐃᓇᑭᓯᐨ, ᒣᑲᐧᐨ ᐊᐦᐱ ᑲᐊᔭᐊᐧᐨ ᐅᒥᒥᓯᐊᐧᐠ ᑲᐸᐸᒥᔭᐊᐧᐨ ᓴᑲᐦᐃᑲᓂᐠ ᒥᓇ ᑲᔦ ᐊᓂᑭᔕᐊᐧᔭᐠ. ᒪᐧᕑᐃᐢ ᐅᐸᑯᓭᐣᑕᐣ ᒋᐃᐧᑐᑲᐊᐧᑲᓂᐃᐧᐨ ᐅᐁᐧ ᒋᑭ ᑲᐢᑭᒋᑲᑌᐠ ᒋᑐᒋᑲᑌᐠ. ᐱᓇᒪ ᐅᑕ ᑲᒋᑎᓇᐊᐧᐣ ᒥᓇ ᐅᑕᑭᐁᐧᐸᑭᑎᓇᐊᐧᐣ ᑭᓄᔐᐣ ᓇᐣᑕ 100 ᐃᓂᑯᐠ 200 ᑭᓄᔐᐠ ᐅᐁᐧ ᑲᐃᐧᑐᒋᑲᑌᐠ ᐊᓂᑭᐃᐧᐣ.
ᒪᐊᐧᐨ ᐊᐃᐧᔭᐠ ᐅᒋ̇ᑫᐣᑕᓇᐊᐧ ᐅᐁᐧ ᑲᐃᐧ ᑲᑫᐧ ᑐᒋᑲᑌᐠ.
ᒪᐧᕑᐃᐢ ᐸᑯᓭᓂᒧ ᒋᒥᓄᓭᐠ ᑭᓄᔐᐠ ᑲᐃᐧ ᐊᐣᒋ ᐸᑭᑎᓂᐣᑕᐧ.
ᑭᐢᐱᐣ ᑕᐢ ᑌᐯᐧ ᑫᒥᓄᓭᑫᐣ ᐅᐁᐧ ᑲᐃᐧ ᑐᒋᑲᑌᐠ, ᐊᓂᐣ ᑲᓇᐱᑯ ᑫᐃᓯᓭᑫᐧᐣ. ᑭᐢᐱᐢ ᑕᐢ ᑌᐯᐧ ᐊᓄᑭᓭᐠ, ᑫᑯᓀᐣ ᑕᐢ ᑫᑭᐱᐢᑲᑯᔭᑭᐸᐣ ᑯᑕᑭᔭᐣ ᓴᑲᐦᐃᑲᓂᐣ ᒋᑭ ᒪᒥᑎᓀᐣᑕᒪᑭᐸᐣ ᐅᒪ ᓂᑕᐦᑭᒥᓇᐣ?
ᒪᐧᕑᐃᐢ ᑲᔦ ᑭᐊᓂ ᐃᑭᑐ: ᒪᐊᐧᐨ ᑲᔦ ᑕᒥᓄᐊᐧᔑᓄᐸᐣ ᑲᐱᐳᐠ ᑲᑕᔑ ᑲᐧᐢᑫᐧᐱᓇᓂᐊᐧᐠ.
When I was a boy growing up in my home community of Attawapiskat on the James Bay coast, I was deathly afraid of looking at the full moon.
When I was a boy growing up in my home community of Attawapiskat on the James Bay coast, I was deathly afraid of looking at the full moon.
I grew up...
I’m happy to see the ongoing support and assistance in our northern remote communities to help our people cope with so many lifelong and generational issues...