ᔕᐧᐣ ᐯᓫ ᐊᐧᐊᐧᑌ ᐊᒋᒧᐃᐧᐣ

ᐊᓂᔑᓇᐯ ᐊᐢᑭ ᑭᒪᓯᓇᐃᐧᑎᓭ ᑭᐃᐧᑕᓄᑭᒪᐨ ᐅᐣᑌᕑᐃᔪ ᐁᑲᐧ ᑲᓇᑕ ᐊᐦᐃ ᑭᑭᓄᐊᒪᑫᐃᐧᐣ ᐱᒧᒋᑫᐃᐧᐣ ᐅᒋ

Create: 12/01/2015 - 19:24
Author: 
ᔕᐧᐣ ᐯᓫ ᐊᐧᐊᐧᑌ ᐊᒋᒧᐃᐧᐣ

ᐊᓂᔑᓇᐯ ᐅᑭᒪᓯᓇᐦᐊᐣ ᓇᐦᑯᒥᑐᐃᐧᐣ ᓂᓯᑐᑕᑐᐃᐧᐣ ᐁᐃᐧᐃᐧᑕᓄᑭᒪᐨ ᐅᐣᑌᕑᐃᔪ ᐁᑲᐧ ᑲᓇᑕ ᐅᑭᒪᐃᐧᓇᐣ ᐊᐊᐧᔑᒣ ᑲᐧᔭᐠ ᒋᐊᓄᑲᑌᐠ ᐃᐡᑯᓄᐃᐧ ᐱᒧᒋᑫᐃᐧᐣ ᐃᐃᒪ ᐅᑎᐢᑯᓂᐠ ᑲᑲᐯᔑᐊᐧᐨ ᐊᓂᔑᓇᐯ ᐊᐢᑭ᙮
ᐅᐅᐁᐧ ᓇᑭᒧᐁᐧᐃᐧᐣ ᑭᒪᓯᓇᐦᐃᑲᑌ ᒥᑲᐧᐨ ᐅᑭᒪᑲᓇᐠ ᑲᑭᒪᐊᐧᒋᐦᐃᑐᐊᐧᐨ ᐃᐃᒪ ᒪᑕᐧᑲᒥ ᑕᔑᑫᐃᐧᓂᐠ ᒣᑲᐧᐨ ᓴᑲᓱ ᒥᑭᓯ ᐱᓯᑦ ᑲᐃᓇᑭᓯᐨ ᐁᑲᐧ ᐅᐅᐁᐧ ᓇᐦᑯᒥᑐᐃᐧᐣ ᐃᔑᑲᓇᐊᐧᐸᒋᑲᑌ ᐊᐧᔑᒣ ᒋᐃᐧᒋᔭᑲᓄᐊᐧᐨ ᓇᐣ ᐅᑎᐢᑯᓂᐠ ᐊᐦᐃᐠ ᑲᑕᔑᐡᑯᓄᐊᐧᐨ ᐅᑕᔑᑫᐃᐧᓂᐊᐧᐠ ᒥᓇ ᑕᐃᐧᓂᐠ᙮

ᓀᐡᑲᐣᑕᐣᑲ ᒪᓯᓂᐱᐦᐃᑲᓇᐣ ᑲᑭᐊᐧᐸᑕᐦᐃᐁᐧᐊᐧᐨ ᒪᐊᐧᐨ ᑭᐅᒋᑲᒋᑫᐣᑕᑲᐧᐣ

Create: 12/01/2015 - 19:23
Author: 
ᔕᐧᐣ ᐯᓫ ᐊᐧᐊᐧᑌ ᐊᒋᒧᐃᐧᐣ

ᐁᑲᐧ ᒪᓯᓂᐱᐦᐃᑲᓇᐣ ᐁᐦᐊ ᒐᐧᐡ ᑫᐣᑎᕑᐃᐠᐢ ᑲᑭᐊᐧᐸᑕᐦᐃᐁᐧᐨ ᐊᐦᐃᐠ ᑐᕑᐊᐣᑐ ᑭᒋᑕᐃᐧᓂᐠ ᐊᐦᐃ ᒪᒉᐣᑕᒧᐃᐧᓇᐣ ᐁᓇᑲᐧᑭᐣ᙮ ᐁᑲᐧ ᐅᐅᐁᐧ ᒪᒉᐣᑕᒧᐃᐧᐣ ᐅᑭᒧᔑᑐᐣ ᐃᐃᒪ ᐅᐱᒪᑎᓱᐃᐧᓂᐠ ᒣᑲᐧᐨ ᑲᑭᒪᓯᓂᐱᐦᐃᑫᐨ᙮ ᐁᑲᐧ ᒥᓇ ᐱᑯ ᐊᒥᐁᐧ ᑲᔭ ᑲᐃᔑᓭᓂᐠ ᐅᑕᔑᑫᐃᐧᓂᐠ ᐃᐃᒪ ᓀᐡᑲᐣᑕᐣᑲ᙮
ᐁᑲᐧ ᑫᐣᑎᕑᐃᐠᐢ ᐁᐊᓂᒧᑕᒪᐊᐧᑲᓄᐃᐧᐨ ᐅᒪᓯᓂᐱᐦᐃᑲᓇᐣ ᑲᑭᐅᔑᑐᒋᐣ ᓇᐱᐨ ᒥᐢᑕᐦᐃ ᒧᔑᐅᐃᐧᐣ ᐅᒋᑕᑲᐧᐣ ᐁᑲᐧ ᔕᑯᐨ ᐊᐯᓂᒧᐃᐧᐣ ᐊᔭᒪᑲᐣ᙮
“ᐁᑲᐧ ᐅᑫᐧᓂᐊᐧᐣ ᓂᒪᓯᓂᐱᐦᐃᑲᓇᐣ ᐊᐦᐃ ᓂᔑᑲᑌᐣᑕᒧᐃᐧᐣ ᐅᒋᓭᒪᑲᐣ ᒥᓇ ᐱᑯ ᑲᑭᓇ ᐊᐃᐧᔭᐠ ᐅᔑᑲᑌᐣᑕᒧᐃᐧᓂᐊᐧ,” ᑫᐣᑎᕑᐃᐠᐢ ᐃᑭᑐ ᐃᑫᐧᓂᐊᐧᐣ ᐅᑕ ᓂᐦᓯᐣ ᐅᒪᓯᓂᐱᐦᐃᑲᓇᐣ ᑲᑭᐊᐧᐸᑕᐦᐃᐁᐧᓇᓂᐊᐧᐠ ᐃᐃᒪ ᑐᕑᐊᐣᑐ ᑭᒋᑕᐃᐧᓂᐠ᙮ “ᑫᑲᐟ ᑲᑭᓇ ᒪᒉᐣᑕᒧᐃᐧᐣ ᓇᑲᐧᓄᐣ᙮ ᐊᒥᐅᒪ ᒪᔭᑦ ᑲᐅᒋᓭᒪᑲᑭᐣ᙮”

Subscribe to RSS - ᔕᐧᐣ ᐯᓫ ᐊᐧᐊᐧᑌ ᐊᒋᒧᐃᐧᐣ