ᐊᓂᔑᓂᓂᐃᐧ ᐅᓂᑲᓂᑕᒪᑫᐠ ᐊᐣᑲᐧᒣᐣᑕᒧᐊᐧᐠ ᑕᐱᐡᑯᐨ ᐸᐦᑲᐣ ᒋᐃᐧᐣᒋᓯᓭᐠ ᐃᐁᐧᓂ ᑭᒍᑭᒪᐃᐧᐣ ᑲᑭᔑ ᐃᐧᐣᒋᑫᐊᐧᐨ ᑲᑕᑲᐧᑭᓯᐨ ᑭᓯᐢ 7 ᒋᐸᑭᑎᓂᐨ ᐊᐁᐧ ᔓᓂᔭ $1.9 ᐱᓫᐃᔭᐣ ᓇᐣᑕ ᓂᓱᔭᐦᑭ ᐃᒪ ᐊᓂᔑᓂᓂᐃᐧ ᐃᐡᑯᓂᐃᐧᓂᓂᐠ.
ᐃᐁᐧ ᐅᓇᒋᑫᐃᐧᐣ ᑲᐃᔑ ᐅᓇᑌᐠ ᒣᑲᐧᐨ, ᑲᑭᔑᐅᓇᑌᑭᐸᐣ ᐊᓂᔑᓂᓂᐃᐧ ᑭᑭᓄᐊᒪᑫᐃᐧ ᐅᓇᑯᓂᑫᐃᐧᐣ, ᑕᐊᓂᔑᓂᑲᑌ ᐊᓂᔑᓂᓂᑲᐠ ᑕᐅᐣᒋᑲᓇᐊᐧᐸᒋᑲᑌ ᐊᓂᔑᓂᓂᐃᐧ ᑭᑭᓄᐊᒪᑫᐃᐧ ᐅᓇᑯᓂᑫᐃᐧᐣ.
ᐃᐁᐧ ᐃᐧᒋᓀᐣᑕᒧᐃᐧᐣ ᑲᔦ ᐊᔓᑕᒪᑫᓇᓂᐊᐧᐣ ᐃᒪ ᑭᒍᑭᒪᐃᐧᓂᐠ ᒋᐸᑭᑎᓇᐊᐧᐨ ᔓᓂᔭᓂ $160 ᒥᓫᐃᔭᐣ ᓂᐃᐧᔭᐦᑭ, ᒋᔭᓂ ᒪᒋᓭᐠ 2015 ᐊᐦᑭᐊᐧᐠ, ᒋᐃᐧᐣᒋ ᐱᒧᒋᑫᒪᑲᐠ ᐃᐁᐧ ᐅᐡᑭ ᐅᓇᒋᑫᐃᐧᐣ. ᐊᑕᐊᐧ ᑲᔦ ᐅᑭᐃᓀᐣᑕᓇᐊᐧ ᒋᐸᑭᑎᓇᐊᐧᐨ ᔓᓂᔭᓂ $500 ᒥᓫᐃᔭᐣ ᓇᐣᑕ ᓂᓴᐧᓱᔭᐦᑭ ᐃᒪ ᒋᔭᓂᔑ ᒪᒋᓭᐠ 2015 ᐊᐦᑭᐊᐧᐠ ᐃᒪ ᒋᔑᔭᐸᑎᓯᐨ ᐃᐡᑯᓂᐃᐧ ᐊᐧᑲᐦᐃᑫᐃᐧᐱᒥᐃᐧᒋᑫᐃᐧᓂᐠ. ᑭᒍᑭᒪᐃᐧᐣ ᑲᔦ ᐅᐃᐧᐸᑭᑎᓇᐊᐧᐣ ᔓᓂᔭᓂ $1.252 ᐱᓫᐃᔭᐣ ᓇᐣᑕ ᓂᓱᔭᐦᑭ, ᒋᔑᒪᒋᓭᐠ 2016 ᐊᐦᑭᐊᐧᐠ, ᐃᒪ ᒋᔑᔭᐸᑎᓯᐨ ᔓᓂᔭ ᐃᒪ ᑭᑭᓄᐦᐊᒪᑫᐃᐧ ᐱᒧᒋᑫᐃᐧᓂᐠ. ᐁᑲᐧ ᐅᑭᒪᐃᐧᐣ ᑲᔦ ᐅᑭ ᐊᐣᒋᑐᓇᐊᐧ 2 ᐱᕑᓭᐣᐠ ᑲᑊ ᑲᐃᑕᒧᐊᐧᐨ ᐁᑲᐧ 4.5 ᐱᓭᐣᐟ ᑲᑊ ᐅᑭᔑ ᐅᓇᑐᓇᐊᐧ.
ᔕᑯᐨ, ᐊᓂᔑᓇᐯ ᐊᐢᑭ ᐅᑭᒪᐃᐧᐣ ᑭᒍᑭᒪᑲᐣ ᐦᐊᕑᐱ ᔦᐢᓄ ᑭᐃᑭᑐ ᐃᐁᐧ ᔓᓂᔭ ᑲᐸᑭᑎᓂᐨ ᐁᑲ ᑌᐯᐧ ᐁᒥᓄᓭᐠ ᐁᑲ ᐊᐱᐨ ᔐᒪᐠ ᐁᑭᐃᐧᐣᒋ ᐃᐧᒋᐦᐃᐁᐧᒪᑲᐠ ᑌᑕᑯ ᑲᓄᐣᑌᓭᒪᑲᑭᐣ ᑲᐱᒧᒋᑲᑌᑭᐣ ᐃᐡᑯᓄᐃᐧᐣ ᐃᒪ ᐊᓂᔑᓇᐯ ᐊᐢᑭ ᐃᐡᑯᓂᑲᓇᐣ, ᐁᑲᐧ ᐃᐁᐧᑎ ᒪᐊᐧᐨ ᑲᓄᐱᒪᑲᒪᑲᑭᐣ ᐃᐡᑯᓂᑲᓇᐣ.
When I was a boy growing up in my home community of Attawapiskat on the James Bay coast, I was deathly afraid of looking at the full moon.
When I was a boy growing up in my home community of Attawapiskat on the James Bay coast, I was deathly afraid of looking at the full moon.
I grew up...
I’m happy to see the ongoing support and assistance in our northern remote communities to help our people cope with so many lifelong and generational issues...