ᐁᑭᐁᐧᓇᐱᑕᑯᑲᑕᒪᐠ ᑭᑕᑯᑭᐃᐧᓂᓇᐣ ᐅᑕᓇᐠ, ᓄᑯᑦ ᒥᓇ ᐊᓂᓂᑲᐣ ᐅᐱᒧᓭᐠ ᐃᔕᐊᐧᐠ ᐊᑐᐊᐧ ᐁᐧᑎ ᐊᑕᐊᐧᐱᐢᑲᐟ ᐅᐣᒋᒪᒋᐦᐊᑐᐊᐧᐠ.
ᑕᓂ ᒥᑕᑕᐊᐧᐱᐣ ᐱᑕᐯᑯᐠ ᐁᐅᒋᐨ ᑭᐃᑭᑐ ᐅᓇᑕᐁᐧᓂᒪᐣ ᑲᓇᑕ ᒥᓇ ᐅᐣᑌᕑᐃᔪ ᐅᑭᒪᐣ ᒋᓇᑭᐡᑲᐊᐧᐨ ᐅᑭᒪᑲᓇᐠ ᒋᐊᓂᒧᑕᒪᑎᐊᐧᐨ ᐊᓂᔑᓂᓂᐃᐧ ᐊᓂᒥᓭᐃᐧᓇᐣ ᑐᑲᐣ ᐊᐧᑲᐦᐃᑲᓇᐣ, ᓂᓯᑎᓱᐃᐧᐣ, ᐊᑯᓯᐃᐧᐸᒥᐦᐃᑎᐃᐧᐣ ᒥᓇ ᐃᐡᑯᓄᐃᐧᐣ ᐃᒪ ᐃᐡᑯᓂᑲᓇᐣ.
ᒥᑕᑕᐊᐧᐱᐣ ᐅᑭᐱᒥᐃᐧᒋᐦᐊᐸᓂᐣ ᐊᑕᐊᐧᐱᐢᑲᐟ ᐅᑭᒪᑲᓇᐣ ᑐᕑᐃᓴ ᐢᐯᐣᐢ ᒣᑲᐧᐨ ᑲᑭᐸᐃᐧᓂᐦᐃᑎᓱᐸᐣ ᐅᑕᓇᐠ ᐱᐳᓄᐠ. ᑭᐃᑭᑐ ᑲᓂᑲᓂᑕᒪᑫᐊᐧᐨ ᑲᐃᐧᐣ ᑲᓇᑫ ᓇᐣᑕ ᒋᑐᑕᒧᐊᐧᐨ ᑲᑭᒪᓯᓇᐦᐅᑎᓱᐊᐧᐸᐣ, ᒥᓇ ᑲᑭᓇᑯᒧᐊᐧᐸᐣ ᒋᑲᑫᐧᓴᑯᓱᒪᐊᐧᐨ ᐅᑭᒪᐣ ᒋᔭᓂ ᐊᓄᑲᑕᒥᓂᐨ ᐊᓂᔑᓂᓂᐃᐧ ᐃᓯᓭᐃᐧᓇᐣ.
ᐅᑯᐁᐧᓂᐊᐧᐠ ᐅᐱᒧᓭᐠ ᑭᐅᐣᒋᒪᒐᐊᐧᐠ ᐊᑕᐊᐧᐱᐢᑲᐟ ᒣᑲᐧᐨ ᒉᐣᐁᐧᕑᐃ ᐱᓯᑦ 4 ᑲᐃᓇᑭᓱᓂᐨ. ᐁᑲᐧ ᑭᔭᓂᑕᑲᐧᐦᐊᑐᐊᐧᐠ ᑭᔐᒋᐊᐧᓄᐠ ᒥᓇ ᐱᑕᐯᑯᐠ ᒉᐣᐁᐧᕑᐃ ᐱᓯᑦ 8 ᑲᐃᓇᑭᓱᓂᐨ ᐁᑲᐧ ᒥᓇ ᒧᓱᓂᐠ ᒥᓇ ᒧᐢ ᐸᐠᑐᕑᐃ ᒉᐣᐁᐧᕑᐃ ᐱᓯᑦ 14 ᑲᐃᓇᑭᓱᓂᐨ.
ᐁᑲᐧ ᐊᐱ ᒉᐣᐁᐧᕑᐃ ᐱᓯᑦ 20 ᑲᐃᓇᑭᓱᓂᐨ, ᐅᐱᒧᓭᐠ ᐊᔕ ᐁᐧᑎ ᑭᔭᓂᐱᒧᓭᐊᐧᐠ ᒧᐢ ᑯᕑᐃ ᐱᐳᓂᒥᑲᓇᐠ ᑲᐃᓇᒧᐠ ᐢᒧᐟ ᕑᐊᐠ ᐸᐧᓫᐢ, ᐅᐣᑌᕑᐃᔪ, ᒥᐁᑲᐧ ᐊᐱᐣ ᐃᒪ ᑫᓄᒋᒪᒋᐦᐊᑐᐊᐧᐨ ᐅᐣᑌᕑᐃᔪ ᑭᒋᐅᑕᐸᓂᒥᑲᓇᐠ.
I was happy to see my nieces and nephews in Attawapiskat taking the opportunity to learn about the traditional practice of making Nah-mesh-tek, the Cree...
Maachestan, the Cree word for the annual spring river ice breakup, is happening all along the James Bay coast. This is a very important time of year for...